bjossa-blogg

2007-03-30T03:36:00.000-07:00

Allt við sama heygarðshornið í Danmörku ég fer að verða sérfræðingur í LBS (Location Based Service).
Fylgdist með íslenska landsliðinu í leiknum á móti Spánverjum, sem sagt á netinu. Þetta var reyndar ekki leikurinn sem maður gat reiknað með að Íslendingar myndu sækja mörg stig í. En allavega sýndu þeir góða baráttu og Árni Gautur góður í markinu, voru ekki langt frá að ná jafntefli.

Gettu betur úrlit í kvöld, sem gamall gettu betur maður þá veit ég nú ekki með hvoru liðinu er hægt að halda, hvorugu væntanlega. Spurning hvaða keppni er hægt að stunda án þess að rangt sé haft við, búinn að kynnast því í Danmörku að það er allavega ekki skák (svindlandi Serbarnir), held það sé bara Póker, snilldarspil!

2006-05-18T04:36:00.000-07:00

Komið vor í Danmörku eins og myndin hér til hliðar gefur til kynna, var um og yfir 20 C hérna í örugglega 10 daga. En núna er farið að rigna sem er kannski ágætt upp á próflestur.

Hér fyrir neðan er upptalning á 5 bílum sem eru í mestu uppáhaldi hjá mér.
5. Porche 911 (gamli góði)
4. AudiTT
3. Bugatti Veyron 16.4
2. Subaru 1800 4WD afmælisútgáfan (1986) special edition
1. BMW 328, ekkert sem toppar þetta.

2006-04-12T14:16:00.000-07:00

Það er komið upp mál...

2006-02-20T05:08:00.000-08:00

jæja þá er komið að hugleiðingu dagsins. Eins og Stefanovich hefur réttilega bent á þá er "jæja" alþekktur stíll fyrir þá sem sækjast eftir frekari þekkingu.
Pistillinn í dag er þó helgarður þekkingu og eða vanþekkingu. Þar sem ég bý nú í Danmörku þá er búin að vera mikil umræða um hinar títtnefndu skopmyndir af spámanninum. Mér finnst alltaf leiðinlegt þegar fólk er með fordóma gegn óæðri kynstofnum, eins og raunin er hérna í Danmörku. Danmörk er fjölþjóðlegt samfélag
þar sem öll þjóðarbrot verða að búa í sátt og samlyndi.
Við verðum öll að sýna hvort öðru umburðalyndi.

lifið heil!

2006-02-20T04:58:00.000-08:00

Dýrafræðin heldur áfram, Bussmann er bjarndýr sem fellur undir ættkvíslina og tegundina Birning. Menn eru ekki eitt sáttir við hvernig beri að skrifa Bussmann hægt er að skrifa það einnig Buschmann. Buschmann þrífst á trjálaufum og heldur sig í híði, varast ber að rugla Buschmann við Búsmenn, sem eru frumstæður þjóðflokkur sunnan miðbaugs.

2006-02-17T12:08:00.000-08:00

Í skógum Evrópu og finnst dýrategund sem nefnist Birningur. Birningur er bjarndýr sem minnir þó nokkuð á greifingja (e. Badger) sem við öll þekkjum úr "Þyti í laufi".

2005-12-17T08:01:00.000-08:00

jæja þá er nonni bróðir kominn með bloggsíðu. Bloggsíða Nonna bróðurs
Annars er lítið að frétta, er í próflestri. Eitt undarlegt þó, svo virðist vera sem commentin hérna á síðunni þurrkast út sjálfkrafa, frekar skrítið.

2005-10-12T07:47:00.000-07:00

jæja þá fer bloggleysið að enda, ég lenti í gífurlegum tölvuhremmingum byrjaði á því að tölvan sem var hér fyrir startaði ekki upp. Þá var brugðið á það ráð með hjálp Steindórs að panta nýja í bútum af netinu. Talsverðar hremmingar urðu síðan í kringum það, þar sem móðurborð (d. morbord) hafa verið í stanslausum flutningum milli Árhúsa og køben. En allt er gott sem endar vel og ég er kominn með tölvu.
Annars er ég kominn til Danmerkur aftur og það er enn gott veður herna. Mælar sýna ja ca 15 C sem er bara ágætt meðan fréttir barast af blindbyljum af eyjunni er kennd er við eld og ís.
Síðasta bloggi lauk með frásögn af Hekluferð, helgina eftir fór ég hringinn í kringum landið sem verður gerð skil í öðru bloggi innan skamms. Myndin af Goðafossi var tekin í þeirri ferð.

2005-07-26T04:21:00.000-07:00

Jæja það hefur verið blogg-andleysi í sumar.
Ég fór reyndar í ansi skemmtilega ferð núna á sunnudaginn en þá gekk ég með 3 manni upp á Heklu. Þetta var í steikjandi sól, og þegar maður kom upp á topp þá var trúlega 20 stiga hiti. Þetta var nú tiltölulega auðveld ganga, það var reyndar keyrt eins hátt og hægt var og þannig sparaðist drjúgur tími. Sjálf gangan tók um 2 tíma, við vorum reyndar dágóðan tíma að komast í gegnum apalhraunið. Gekk ekki alveg nógu vel að finna réttu leiðina. En uppi á topp var frábært útsýni því miður var skýjabreiða yfir Rangarvöllunum sem ég hefði nú haft mikinn áhuga á að sjá. En 7 jöklar sáust þannig að það er nú ekki hægt að kvarta of mikið. Á bakaleiðinni lentum við í smá hremmingum með rafmagnsleysi í bílnum sem við vorum á en það reddaðist með hjálp góðra manna. Af öðru sem ég hef gert þá fór ég lok júní í ferð í Skagafjörð og í byrjun júlí á Vestfirði.
Já og halli, enn eitt árið verð ég að éta ofan í mig að ég mun ekki hlaupa maraþonhlaup. Má vera góður ef ég get drattast 21 km.

2005-06-01T03:42:00.000-07:00

Rigning í København, agætt í próflestri. Svartur dagur og líklega sá svartasti í sögu ************* , **** kominn í embætti, það er nátturlega gjörsamleg vannvirðing við lýðveldið Ísland að þessi maður skuli vera **********. Hvað hefur þessi maður stigið oft upp í ******, nema til að tala um eigin-hagsmunarmál. Maður hefði haldið að ******** og þeir sem væru í bæjar********* væru þarna af hugsjónum en nei þetta feita svín er þarna af græðgi. Svartur dagur!
p.s svo ég verði ekki ákærður af yfirvoldum í Tongo fyrir að skrifa staðreyndir á íslenska bloggsíðu þá er ég búinn að klippa smá út.

2005-05-23T12:21:00.000-07:00

Nú er sá skemmtilegi tími ársins þegar maður er í prófum, 4 próf framundan og törninni lýkur 2 jún. Tvo skrifleg og 2 munnleg, það góða við munnlegu prófin eru að þau taka bara 20 mín, reyndar geta verið ansi "langar" 20 mínutur ef út í það er farið. Fínt að koma úr munnlegu prófi og getað byrjað strax að lesa fyrir það næsta, maður gerir það ekki alveg eftir 4 tíma setu í skriflegu
Ég er búinn að vera sæmilega duglegur að hlaupa undanfarið. Í gær var Kaupmanna-hafnar maraþon og Anders sem býr á sama gangi hérna á kolleginu og hleypur stundum með mér, fór heilt maraþon. Það tók hann 3 klst 15 mín að hlaupa þessa 42,2 km ansi vel af sér vikið hjá honum. Það er planið hjá mér að reyna að fara þessa vegalengd í Reykjavíkur maraþoni þann 20 águst næstkomandi. Þannig að leið og prófunum líkur þá verður allt sett á fullt í æfingarprógramminu. Læt þetta duga í bili.

2005-04-30T10:21:00.000-07:00

Jæja ég var búinn að lofa að setja upp linkinn af myndasíðunni minni hérna kemur hann. En þetta er bara rétt byrjunin og það á margt eftir að breytast á næstu vikum. Myndasíða bjössa

2005-04-27T10:39:00.000-07:00

jæja sama bloggleysid a thessum bænum fekk ad heyra thad i dag ad bloggid mitt væri leidinlegt, ja eg ljai ekki neinum ad hafa thessa skodun. En batnandi monnum er bezt ad lifa, eg ætla ad setja upp linkinn a myndasidinu herna i kvold.
Annars stefnir i frekar annarsaman mai-manud i naminu. Eg bidst afsokunar a tvi ad thad vanti islenska stafi bæti thad upp med tvi ad hafa z.

2005-03-24T03:23:00.000-08:00

jæja það er að hlýna í Danmörku eftir kalt tíðarfar, mjög kærkomið þá er hægt að fara að pakka dúnúlpunni niður. Annars er páskafrí í DTU eins og á flestum stöðum í hinum kristna heima. Annars er það helst í fréttum að ég er að fara að setja myndir á netið sem ég hef tekið síðustu 2 ár, flestar úr nátturu Íslands. Ég mun setja link hérna inn þegar þær eru tilbúnar.

2005-03-02T07:26:00.000-08:00

jæja, herna í Danmörku er sannkallað vetrarríki snjóar bara og snjóar. Annars er það helst að frétta að Siggi (Sigurður Árnason frá Klaustri) var hér í 2 daga fyrir 2 vikum, hann var á leið sinni til Grikklands þar sem hann mun stunda nám í Þessaloniku sem skiptistúdent. Við litum niður í bæ í kuldanum aðeins á túristastaðina. Það var fátt um að litast niðri í nyhavn, á miðvikudeginum hittum við Fjalar og Ásu og fórum svo með þeim að hitta upp fyrir REM tónleika hjá Óla Fannari. Ég og Siggi fylgdum síðan liðinu á tónleikasvæðið og fórum síðan á Stúdentahúsið niðri á Købmadegade, þar var ágætis stemning og margt um manninn og dtu liðið mætt á svæðið.
Það leiðinlega við þennan snjó er að ég get ekki hlaupið úti eins og er, kannski ágætt að hvíla sig aðeins í staðinn er það bara ræktin. læt þetta duga í bili.

2005-02-14T08:12:00.000-08:00

Lestarslys í Lyngby 51 slasaður....hmmm og ég sem er alveg hættur að nenna að taka 150S niður í bæ því lestarnar eru svo þægilegar. En hverjar ætli líkurnar séu á þessu, líklega nægilegar litlar til að maður fari nú ekkert að hætta að ferðast með lestunum, snilldarfarartæki.
En að öðrum málum ég var í skemmtilegum dæmatíma áðan þar sem fólki var launað með sælgæti fyrir áræðni og þor við að fara upp að töflu nýjar kennsluaðferðir við DTU.
Annars er allt á kafi í snjó að dönskum mælikvarða, snjóstormur og allt hvað eina. Danir ekki alveg viðbúnir svona, en voru samt fljótir að byrja að skafa götur og stíga og að ég tali nú ekki um að salta.

2005-02-07T23:51:00.000-08:00

jæja eg er mættur aftur til dk, skólinn byrjaður á fullu og það er nóg að gera.
Anders hérna á ganginum þar sem ég bý bauð mér í hlaupatúr með skokkhópnum sem hann er í áðan. Stórhættulegt að fara út að hlaupa með honum þetta endaði í 16 km hlaupatúr og síðast þegar ég fór út að hlaupa með honum voru þeir 18 km. En annars hleypur hópurinn 3 í viku ég er að spá í að vera allavega með á laugardögum. Annars er ég að fara að hjálpa Steindóri að bera kassa á morgunn, en annars skrifa e-ð meira þegar meir er títt.

2005-01-12T03:03:00.000-08:00

jæja þá er komið árið 2005, með björtum vonum um bætta tíð. Reyndar í nýlegri könnun þá reikna 60% íslendinga með að persónulegir hagir þeirra muni ekki breytast á þessu ári. DO og HÁ eru greinilega ekki í þessum flokki því þeir voru að splæsa í nýja BMW.
Annars var sýnd kynningarmynd um Njálu á sunnudaginn, þar sem þetta er uppáhalds Íslendingabókin mín (og þótt víða væri leitað meðal bóka) þá beið ég spenntur eftir, sitt sýnist mönnum um hvernig til hafi tekist. Sumum fannst fornmálið stirt, öðrum fannst ekki fara saman að blanda nútímamáli og gömlu máli saman. Einn taldi að Gunnar á Hlíðarenda hefði verið ljóshærður víkingur og Hilmir Snær hefði ekki passað í það hlutverk. Hvað sem öllu þessu líður þá fannst mér þetta bara vera ágætt, þau hefðu sum viðtölin við "Njálufræðingana" eftir kynninguna mátt missa sig. Ég sé ekki alveg listfræðilegan tilgang þess að stilla mönnum upp í Breiðholti í kringum blokkir og láta umhverfishljóð öðru hverju yfirgnæfa það sem þeir eru að segja.
Eitt sem tilheyrir byrjun nýs árs eru hinir svokölluðu Nýárstónleikar, á síðasta ári þá fór á nýárstónleika Sinfóníuhljómsveitar Íslands, einu orði sagt voru þeir stórkostlegir. Á sunnudaginn voru sýndir nýárstónleikar frá Vín, stefnan er að komast þangað einn dag, þangað til verður maður bara að láta sig dreyma.

2004-12-22T06:50:00.000-08:00

Vá 2 blogg á sama deginum held að þetta hafi ekki gerst áður í sögu bloggsins eða hvað...
en allavega tilefnið er að núna fer að nálgast í 1000 aðasta innlitið á bloggið mitt.
Sá sem verður nr 1000 fær glaðning, Danskan Tuborg Guld bajer......
Ætla biðja fólk um að láta refresh takann í friði en allavega sá sem verður nr 1000 vinsamlegast commentaðu hérna fyrir neðan og láttu vita af þér.

2004-12-22T06:31:00.000-08:00

Sælt verið fólkið.....þá er daginn tekið að lengja aftur og allir losnuðu við skammdegisþunglyndið í nótt byrjar hugsanlega aftur 22 jún. Annars tek ég aldrei eftir því hvað er dimmt úti ekki fyrr en fólk fer að minnast á það (vantar dimmunargenin í mig).
Hvað sem öðru líður þá er ég mættur tímabundið á land elds og íss, verð hérna þangað til seinni hluta janúarmánaðar. Vona að þetta verði skemmtilegur tími ég er reyndar kominn með mínusstig í kladdann hjá Steindóri, vona að þau verði ekki fleiri:)
En annars smá pæling um hvort þú sért ómissandi: Prófaðu að stinga puttanum hjá þér niður í vatnsglas og taktu hann síðan aftur upp, ef það er hola ennþá þá ertu ómissandi...;)
Að lokum varðandi jólagjafir þá langar mig að vitna í hávamál

Veistu ef þú vin átt,
þann er þú vel trúir,
og vilt þú af honum gott geta,
geði skaltu við þann blanda
og gjöfum skipta,
fara að finna oft.

Heilir þeir er hlýddu!

2004-12-04T05:52:00.000-08:00

En já spurning um að skrifa e-ð meira, í gær var kynning á verkefni sem við íslendingahópurinn í kúrsinum vorum með, gekk áfallalaust. Reyndar var maðurinn sem átti að stjórna því að menn héldu sig við tímamörk ekki alveg í sambandi við raunveruleikann, skrítið nokk.
Annars er bara ágætisveður hérna í Kaupmannahöfn, hefur hlýnað talsvert frá því um daginn, ég skellti mér að hlaupa og hljóp ca 9 km. Ég verð að kaupa mér hraðamæli (km mæli lika) á hjólið mitt og mæla vegalengdina nákvæmlega. Krak (kortabók þeirra Dana) og reglustikan mín eru ekki alveg að virka nógu vel saman að mínu mati. Læt þetta duga í bili, lifið heil.

2004-12-04T05:44:00.000-08:00

jæja ég fékk 2 pósta með svörum. Menn eru svona misáhugasamir um þessar spurningakeppnir sem ég hef verið að brydda upp, annahvort er þá að hætta með þær eða hafa einhver góð verðlaun. En rétt svör voru:

1. Affall
2. Galileo Galilei
3. Hávamál
4. Séra Jón Þorláksson frá Bægisá
5. Lúcio Costa og Oscar Niemeyer
6. Frankie goes to Hollywood
7. Edvard Munch
8. Jónsson
9. Einir
10. Kaupmannahöfn

2004-11-27T02:29:00.000-08:00

sælt veri fólkið, ég ákvað aðeins að blogga smá núna svo fólk hafi um eitthvað að lesa.
Svo sem ekki stórt í fréttum síðan síðast, spurning um að maður fari að brydda upp á einhverri keppni spurningarlegs eðlis. OK, 10 spurningar, sendið rétt svör á bjorngretar@gmail.com

1. Hvaða vatnsfall skiptir Landeyjum í austur og vestur?
2. Hvaða frægi vísindamaður dó 8 jan 1642?
3. Hvaða kvæðabalkur hefst á eftirfarandi orðum "Gáttir allar áður gangi fram um skoðast skyli, "?
4. Hver þýddi Paradísamissi á íslensku eftir John Milton?
5. Hver teiknaði "hannaði" höfuðborgina Brazilu?
6. Hver er eina hljómsveitin sem hefur átt 3 lög í einu á topp 10 listanum í Bretlandi?
7. Eftir hvern er listaverkið "Ópið" (Skriget)?
8. Hvers son er Villi "Naglbýtur"?
9. Hvaða tré er eini íslenski berfrævingurinn?
10. Hvar fannst frumefnið Hafnium (Hf) ?

vona að fólk hafi gaman að þessu ;)

2004-11-22T20:20:00.000-08:00

ég ætla ekki að biðjast afsökunar á því hvað ég hef verið "lélegur" bloggari en hræðslan við að Hildigunnur myndi henda mér út af listanum hennar hefur drifið í því að ég ákvað að setjast aftur að skrifum ;)
og hvað hefur gerst.....well í byrjun til miðs oktobers fékk ég heimsóknir eða fór sjálfur í heimsókn. Steindór kom hérna í 2 daga og við hittum Hannes Líndal og tókum svo túr á the moose, síðan fór ég í helgarferð til Luxemburg að hitta Björn Hólmþórsson og Díönu.
Mjög fín ferð, þar sem margt var gert t.d farið á vínkynningu, haldboltaleik og síðan farið til Trier í verslunarleiðangur, að ótöldu mörgu öðru.
Síðan kom hún María úr Skagafirði í helgarheimsókn, við hittum gengið herna Stebba, Halla, Hrannar og Ox ásamt öðrum og held ég að allir hafi skemmt sér mjög vel.
Annars er ég byrjaður í ræktinni hérna í dtu, menn að reyna að koma sér í eitthvað betra form:)
En já ég mun næst blogga eftir 8 des vona að ég fái einhver comment á þetta sem ég skrifa. Lesendur nær og fjær lifið heil.

2004-10-04T03:42:00.000-07:00

jæja eitthvad fell thessi ljodagetraun i gryttan farveg, fekk ekki einn einasta post...
spurning fyrir folk ad fara ad dusta af af ljodabokunum sinum.
En allavega eru rett svor:

1. Island, Jonas Hallgrimsson
2. Erfiljod um Odd Hjaltalin, Bjarni Thorarensen
3. Sorg, Johann Sigurjonsson
4. Passiusalmur nr 51, Steinn Steinar
5. Island ogrum skorid, Eggert Olafsson

p.s eg er herna i tolvuveri og vantar islenska stafi bæti ur thvi heima

2004-09-30T04:43:00.000-07:00

jæja þá er farið að kólna í Kgs Lyngby, ég og Stebbi Reyniss. tokum hjólreiðartúr í gær rúma 2 klst. Hjóluðum í kringum Furesø í fínasta veðri.
En já til þess að auðga þjóðarandann á meðal þeirra sem búa núna í Danmörku (ekki veitir af eftir að mafían valdi J.S). þá ætla ég að koma með 5 ljóðlínur og eiga getspakir að koma með nafn á ljóði og höfund. Gefin verða 2 stig fyrir að ná höfundi og 1 stig fyrir að ná nafni á ljóði. Öll hjálpargögn eru leyfileg nema að leita á netinu. Spyrja má vini og vandamenn en þeir mega heldur ekki leita á netinu, sem sagt hundurinn ykkar getur ekki farið að vafra á netinu.
jæja en ljóðlínurnar eru eftirfarandi. Vinsamlegast sendið mér svörin á bjorngretar@gmail.com

1. Þá riðu hetjur um héruð, og skrautbúin skip fyrir landi
2. En þú sem undan ævistraumi flýtur sofandi að feigðar ósi lastaðu ei laxinn sem leitar
móti straum sterklega og stiklar fossa.
3. Jóreykur lífsins þyrlast til himna, menn í aktygjum, vitstola konur í gylltum
kerrum
4. Á Valhúsahæðinni er verið að krossfesta mann.
5. Ísland ögrum skorið, eg vil nefna þig

2004-09-27T14:00:00.000-07:00

jæja langt um liðið síðan skrifað hefur verið herna á bloggið. Spurning um að bæta úr því ...þetta fer að verða hálfgert eymingjablogg hjá mér :) jæja en batnandi mönnum er bezt að lifa. Ég ætla að fara að halda e-a þemur herna á blogginu mínu spurning hvað það verður.
Annars er ég kominn til kongsins køben og eigum vid ekki ad segja ad sökum anna i námi þá hafi ég ekki náð að skrifa fram að þessu. En ég brydda upp á einhverju sniðugu innan skamms

2004-08-11T09:10:00.000-07:00

jæja veðurblíðan að bræða mann niður...
en þessi skrif eru tileinkuð mágkonu minni http://hildigunnurr.blogspot.com/ því gær þá fékk
ég link af síðunni hennar og meira segja líka smá kynningu. En ferfalt húrra fyrir Hildigunni.......vona bara að ég fái að hanga þarna e-ð inni.

2004-08-10T04:25:00.000-07:00

jæja modernus var að fikta í teljaranum mínum og núllstillti hann ég vil biðja menn um að leggja við í huganum þyngd viðkomandi draga síðan sinn eiginn aldur frá. Leggja við þann mánaðardag sem er þegar þetta er lesið deila síðan með kvaðradróttinni af pí. Ef kl er fyrir tólf á hádegi þá draga þær klst sem vantar í tólf ef kl er eftir hádegi leggja við þær klst sem vantar í tólf og að lokum bæta við heiltölu margfeldinu af n-rótinni af fjölda daga frá innrásinni í Normandí.....
ok fljótlegri leið er að bæta bara við 120

2004-08-03T14:49:00.000-07:00

eitthvað virðist verzlunarmannahelgin hafa dregið úr gáfum fólks því enn hefur enginn komið með lausn, einstaka maður gerði þó heiðarlega tilraun en nei Björgólfur Thór og síminn tengdist svarinu ekki neitt, hins vegar er rétt svar 3 marz.
Hann er afmælisdagur persónanna og þjóðhátíðardagur Búlgaríu.

Annars hef ég nú lítið meira að segja gerist lítið í borg óttans.

2004-07-28T10:04:00.000-07:00

jæja góðir hálsar bezt að skrifa e-ð núna.
Ég var búinn að lofa spurningarkeppni og kem herna með smá þraut, það er smá erfitt að semja spurningar svo fólk geti ekki nýtt sér leitarvélarnar en allavega ég spyr um 3 hluti og fólk á að segja hvað þeir eiga sameiginlegt, ég er að fiska eftir einu ákveðnu og þótt fólk finni e-ð annað þá gildir það ekki . Bjór í 1. og einu verðlaun.

Hvað er sameiginlegt með þessum 2 persónum og landi.

1. Alexander G. Bell
2. Búlgaríu
3. Heimsmethafanum í 7 þraut kvenna.

2004-07-21T06:43:00.000-07:00

Ég er alveg hörmulegur bloggari komnir meir en 3 mánuðir síðan ég bloggaði en nú á að gera betur og ég ætla líka að reyna að fara koma myndum á netið.
Annars er lítið að frétta, fór reyndar í fína ferð í Landmannalaugar á laugard. með Stefáni Reynis, Birni-mobile stóð fyrir sínu. Keyrðum síðan niður Rangarvelli og fórum upp hjá Keldum og komum niður hjá Tumastöðum í fljótshlíð. Síðan var komið við á Vindási og fengum við veitinar þar, að því loknu var brunað í bæinn.
Jæja en ég læt þetta duga í bili ætla að redda inn commentum hérna og halda smá spurningarkeppni.

2004-05-13T15:28:00.000-07:00

jæja langt sidan maður hefur skrifað hér, eigum vid bara ekki að segja að maður hafi verið upptekin við lestur námbókanna:) en annars af tíðindum þá kom fjalar i konunglega heimsókn um síðustu helgi og enduðum við á Britneytónleikum ásamt Hrannari og Stabíló (gunna). Annars þá helga ég þessi skrif Steindóri Emil því hann var að stofna blogg og neyðist ég þess vegna til að skrifa til heiðurs honum:) Öðrum sem ég ætla að ánefna þessi skrif mín eru brúðhjónin á morgun þau Friðrik og Mary en eins og allir vita ganga þau í það heilaga á morgun, þau kynntust í Sidney fyrir 4 árum á Olympiuleikunum sem eru liklega med betri olimpiuleikum sem hafa verid haldnir en þar vann einmitt Vala Flosadóttir bronsverðlaun í Stangarstökki, rússnesk stúlka varð í 2 sæti. Af fleiri atburðum má nefna að heile Gibrasellase sigradi i 10.000 m hlaupi með glæsilegu heimsmeti. Annars þá er er komid upplestrarfri her i dtu og sidasta profid er 4 juni sem verdur mjog gaman. ætli eg fari ekki heim 10 juni en þá byrjar Em 2004. En þar sem ég er spurningalega sinnadur þá eru 3 staðreyndarvillur i textanum og sa er fyrstur finnur þær fær mjöð i verðlaun hlustendur góðir haf mína þökk!

2004-03-17T07:21:00.000-08:00

jæja kominn midvikudagurinn 17 marz tempus fugit stendur einhverstadar. Eg gerdi mikla vidreisn i Malmey og Lundi a laugar- og sunnudag. Fjalar og Asa toku mig til Lundar og thar skodudum vid Domkirkjuna sem er rumlega 850 ara gomul, erfitt reyndist tho ad taka mynd af henni ad framan i einni mynd og lysi eg her med eftir e-m sem hefur tekist thad. Um kvoldid forum vid a stad sem hefur styttinguna KB eitthvad fyrir KBBanka og Kaupfelag Borgarnes ad skoda logmæti a. Reyndar stodu sænsku stelpurnar alveg fyrir sinu, eins og theirra var von og visa.
A Sunnudeginum roltum vid um gamla bæinn i Malmey og komst eg thar yfir mjog svo hernadarlegar upplysingar um hvernig Malmeyingar hyggjast verjast fræknu herlidi fra Danaveldi. I kjolfarid hef eg sent starfsumsokn til CIA, MI6, KGB, Mossat og leynisveitar Bjorns Bjarnasonar.
Eftir thetta tok eg lestina afur yfir sundid og horfdi a fotbolta med Hrannari, seinna um kvoldid mætti eg i matarbod hja Gunna og Ninu thar sem a bordum var nysjalenskt kindakjot. Gestur asamt mer var G. Axel, thess ma geta ad eg er ekkert buinn ad borda sidan um helgina og held eg ad eg thurfi ekkert ad borda fyrr en a fostudaginn næsta læt eg thetta duga i bili.

2004-03-12T06:42:00.000-08:00

jæja enn einu sinni kominn fostudagur, otrulegt hvad vikurnar fljuga afram herna i Danmorku. En spurningin er um hvad eg eigi ad fjalla i thessum pistli, eg er allavega buinn ad hjola i netto og afla mer bjorg i bu.
Annars er litid ad fretta hedan er reyndar ad fara i opinbera heimsokn til Sviarikis a morgunn nanar tiltekid eyju tha er kennd er vid malm. Thar mun taka a moti mer Fjalar nokkur Hauksson ættadur ur Skaftafellsyslu, hann studerar nu nam vid Lundarhaskola. Eiginlega thyrfti hann ad koma her yfir til Danmerkur og kenna Donum ad byggja ur einhverju odru en mursteinum. Annars er dagskrainn oljos nema ad thad verdur matarbod um kvoldid thar sem supt verdur a donsku øli. Medal gesta thar verdur Magdalena Sviaprinsesa en tvi midur forfalladist systur hennar hun Viktoria. Læt eg thetta duga i bili, lifid heil.

2004-03-10T05:41:00.000-08:00

Góðan daginn góðir hálsar

Ég hef vist verid sma slappur ad skrifa ad undanförnu og akkurat mánuður síðan ég startaði þessu. En allavega ég tipla svona á því helsta. Um síðustu helgi fór ég til Holstebro á Jótlandi ([ísl] Hulsturbrú) ásamt Hrannari að hitta Ísleif nokkurn Pálsson, sem þar býr ásamt frú og 2 börnum. Þetta var fínasta ferð, við tókum lestina á föstudeginum og fórum til baka á laugardeginum. Á laugardeginum fórum við í smá bíltúr og sáum gamalt danskt höfuðbýli og keyrðum síðan út að sjó. Það var gaman að komast að sjónum því ég hafði verið þarna á svipuðum slóðum árið 1987. Um kvöldið var spilaður mjög svo flókinn leikur sem þarfnast líklega heillar bókar til að útskýra reglurnar.

Að öðrum fréttnæmum atburðum má nefna að Arnar stoppaði herna við frá Japan fyrir viku síðan. Ég ásamt Gunna (Gunnari Þórissyni) og Írisi og fleirum áttum gott kvold með Arnari og mun eg linka myndir seinna.

Ég segi þetta gott í bili og skrifa fljótar næst;)

2004-02-10T14:02:00.000-08:00

jæja fyrsta bloggið mitt, hérna mun ég halda log-bók yfir fjölda bjóra sem druknir verða í kóngsins kaupmannahöfn og hversu marga km ég hleyp, bara svona til að halda kalórium inn/út í jafnvægi. En ég var að ljúka áðan fyrsta verklega tímanum í svokallaðri biomedical engineering. Aðeins viðameiri kúrs en ég gerði ráð fyrir. En þetta tók ca 5 klst, reyndar af því að við klikkuðum á því að við áttum að byrja í síðustu viku. En það er bara að því að danir eru svo illa skipulagðir og með lélagar útskýringar. Jæja en ég hef þetta ekki lengra í þetta skiptið vona að allir eigi eftir að lesa bloggið mitt.